{ Культура }

18 қыркүйек күні Ұлттық академиялық кітапханада Тұрақты, Мәңгілік Күнтізбеге арналған «Жаһандық жаңалық» атты конференция өтті

18 қыркүйек күні Тұрақты, Мәңгілік Күнтізбеге арналған «Жаһандық жаңалық» атты конференция өтті. Конференцияға елімізге белгілі зиялы қауым өкілдері мен ғалымдар қатысты. Конференция мақсаты - қазақ күнтізбесін әлемге таныту.

Қазақ ғалымы, Халықаралық Акмеология  Академиясының  академигі, халықаралық Платон сыйлығының иегері,  галактикалық мәңгі тұрақты күнтізбенің қыр-сырын ашқан ғұлама ғалым - Сайлыбай Бекболатовтың үстіміздегі жылы Оңтүстік Африка мемлекетінде ағылшын тілінде жарық көрген «Unified, Constant Calender» (“Мәңгі тұрақты күнтізбе”) атты ғылыми монографиясы теңдесі жоқ жаһандық ғылыми жаңалық ретінде  Батыс Әлемінде мойындалып, Google ғаламтор жүйесіне ресми тіркелді. Тұрақты, мәңгі күнтізбенің электрондық жүйесі де сәтті жасақталып, ол дағы Google-ге халықаралық заңдарға сәйкес тіркеліп, ресми айналымға енгізілді.

Осылайша,қазақ ғалымы Сайлыбай Бекболатов астрономия, жаратылыстану, математика және ядролық физика секілді іргелі ғылымдармен қатар, Киелі кітаптарда тұрған бағалы дерек көздерін  шебер де ұтымды пайдалана отырып, ғасыр жұмбағын шешіп, жаһандық деңгейде ірі жаңалық ашты.

Бұл орайда, Майя өркениетіндегі сәуегейлік пен күнтізбелер жүйесінің ғылыми негіздерін ширек ғасыр бойы терең зерттеген ғалым, Қазақстанның еңбек сіңірген қайраткері, Халықаралық Жоғары Мектеп Ғылым Академиясының академигі, филология ғылымдарының докторы, профессор Ахметов Әділ Құрманжанұлы қол жеткізген сүбелі нәтижелері де өзімен әріптес ғалым Сайлыбай Бекболатовтың зерттеулерінің мінсіздігін толық дәлелдейді.

Бүгінгі “Жаһандық жаңалық” атты ғылыми конференцияда қос ғалымның екеуі де мәңгі тұрақты күнтізбе туралы түйінді жаңалықтармен баяндама жасап, ежелгі түркілік танымнан бастау алған 13 ай/28 күндік мәңгі тұрақты күнтізбенің бүгінгі адамзатқа беретін тағылымы жайында  өз тәжірибесімен бөлісті.

Дауыстар 0 :
nabrk.kz
${loading}