{ Культура }

Қазақ халқының ұлы ақыны, философы Абай Құнанбайұлының 175 жылдығын мерекелеу шаралары аясында Қазақстанның Біріккен Араб Әмірліктеріндегі Елшілігінің ғимаратында «Абай» ақпараттық-мәдени орталығы ашылды

24 қыркүйек күні қазақ халқының ұлы классигі, ақыны, философ-гуманисті Абай Құнанбайұлының 175 жылдығын мерекелеу аясында Қазақстан Республикасы Мәдениет және спорт министрлігінің қолдауымен, Нұр-сұлтан қаласындағы Қазақстан Республикасының Ұлттық академиялық кітапханасы Қазақстан Республикасының БАӘ-дегі Елшілігінде «Абай» ақпараттық-мәдени орталығын ашты.

 

Мәдени-ақпараттық орталық «Абай» шығармалары мен ол туралы басылымдардың ашық қолжетімді көрмесі болып табылады. Мұнда орталыққа әрбір келуші ақынның өмірі мен шығармашылығы туралы материалдарды, оның шығармаларының әлем халықтарының түрлі тілдеріндегі аудармаларын, белгілі абайтанушылардың, филологтар мен жазушылардың зерттеулерін, электрондық және ноталық басылымдарды, Абай шығармаларының жинақтарымен таныса алады.

Орталықтың ашылу салтанатында БАӘ-дегі ҚР Елшісі Меңілбеков Мадияр Смаділұлы, БАӘ-нің танымал жазушысы Насер я-Захери, Ұлттық академиялық кітапхананың басшысы, педагогика ғылымдарының докторы, профессор Мұңалбаева Үмітхан Дәуренбекқызы, абайтанушы, доктор А.Абдулвахит және Нұр-сұлтан қаласындағы «Қазақстан Республикасы Жазушылар одағы» филиалының директоры Дәулеткерей Кәпұлы сөз сөйлеп, сондай-ақ, іс-шараға БАӘ жұртшылығы, дипломатиялық корпус, диаспора және БАҚ өкілдері қатысты. 

Дауыстар 1 :
nabrk.kz
${loading}